Strokuð út úr eigin sögu

Hvernig lítur það út að vera strokuð út úr eigin sögu?

Úr bókinni „Úr húsmæðraskóla í útlegð – Bak við tjöldin í íslenska kvikmyndabransanum“:

Í janúar 2025 voru leikstjóri Húsó og meðhöfundur okkar tilnefnd til Nordic Series Script Awards.

Lögmaður minn sendi beiðni til Glassriver um að mér yrði bætt við tilnefninguna og boðið á Gothenburg Film Festival þar sem verðlaunin eru afhent af Nordisk Film & TV Fund.

Þeirri beiðni var hafnað.

Í erlendum viðtölum er hvergi minnst á mína aðkomu að verkefninu.

Samkvæmt dagsettum gögnum sem ég hef undir höndum hafði ég frumkvæði að verkefninu frá upphafi, vann í tvö ár að þróun og skrifum seríunnar, sem að stórum hluta byggði á minni reynslu, og fékk grænt ljós á fundi með þáverandi dagskrárstjóra RÚV.

Samkvæmt þessum gögnum voru helstu hugmyndir seríunnar, persónur, sambönd þeirra, söguþræðir, senur og fjölmörg smáatriði mótuð í minni vinnu og vinnu minni í höfundateyminu.

Sjá greiningu á 1. þætti af Húsó með vísan í dagsett gögn hér.

Mér er ómögulegt að nýta Húsó í ferilskrá minni, þar sem mín er ekki getið sem höfundar í erlendum tilnefningum eða fjölmiðlaumfjöllun.

Þetta ósamræmi getur vakið tortryggni hjá erlendum samstarfsaðilum og skerðir beint raunveruleg atvinnu- og tekjutækifæri í bransa sem byggir að miklu leyti á alþjóðlegu tengslaneti og samstarfi.

RÚV og framleiðendum ber að virða samnings- og lögbundinn höfundarétt.

Það á ekki að vera á minni ábyrgð einni að krefjast virðingar fyrir lágmarks lögbundnum réttindum í ríkisstyrktum verkefnum.

Kaupa bók hér